به گزارش ۸دی به نقل از مریان خبر، سایت رادیو تالشی ( برون مرزی صدا و سیما جمهوری اسلامی ایران ) نامه رهبر انقلاب اسلامی به جوانان غربی‌ را به زبان تالشی ( رسم الخط آذری لاتین) را منتشر کرده است .

İslami inğilabi yolə rəhbəri ğərbiyə cıvononro 2 minnə məktubədə çəvonku piyəşe ta bə qıləy səhihə dərki əsos iyən dəhşətinə təcrubəonku istifadə

kardeədə de islam dınyo qıləy səhih və şərafətmandə əlağə binovrə təşkil bıkən.

Bə həzrət ayətullah uzma Xamenei əsəron hifz və nəşr bıkə dəftərxonə məlumat bırosnə mərkəzi elanon əsosi ğərbiyə məmləkətonədə bə həmmə cıvononru islami inğilabi yolə rəhbəri məktub

Bismellahi Rəhmani Rəhim

Ğərbiyə məmləkətonədə bə həmmə cıvonon

Fransədə kuə terarizmi telə hadisə ijən bois be az cıvononədə qəp bıjənom maru bə təəssuf buis bedə ki jıqonə hadisəon sıxan karde şərayeti bino kardə əmmo həğiğət ıme ki əqər  dardinə məsələon çorə barde iyən həmfikrəti kardeyu şərayet bino nıkə ziyan 2 bərubər bəbe har insoniyə əzob dınyo har vırədə ıştən bə norohəti bois bedə ə mənzərə vinde ki qıləy hırdən ıştə əzizon çəşi vədə con dodə  ya qıləy inə ki çəy ailə şoəti əzo bedə şuyəei ki təciliyə holətədə ıştə həyat həmro cənazə bə i tərəf bardə və ya tamşo kardə kəsoni ki zındə nin çan ləhzə bə diqə ıştə jimoni nomayeşi oxonə səhnə bəinden  mənzərəoni nin ki bə insoni atifə və ihsasi oşko be bois nıbon.

Har kəs ki məhəbbət və insoniyətiku bəhrəş bardə bu ım səhnəon vindeku norohət bəbe.çı fransədə bıbo çı Fələstin və İrağ və Livan və Suriyədə.

De ğətiyəti 1 milyard nim mıslmon həminə hissışon heste.və ım faciə əncum doə kəsonku norohət və nifrətışon heste.əmmo məsələ ıme ki ımrujnə əzobonku əqər omə rujon çok və əmn kardeyu nıbo fəğət bənə qıləy tel və befoydə xatirə bəmande.az imonım heste fəğət şımə cıvonon hestin ki ımrujnə problemonku dərs qəteədə  bəznen omə rujon suxteyu tojə roon pəydo karde və bə xətoə roon mane bıbən ki ğərbış bə ısətnə nuğtə rosniyəşe.

Im qıləy səhihə məsələy ki ımruj terarizm çəmə və şımə mıştərəkə darde əmmo lozime bıznən ki tojə hadisədə ə norohəti və iztirab ki təcrubən kardə ə əzobonədə ki İrağ Yəmən Suriyə və Əfğanistanədə bu dırozə soronro vindəşone 2 qılə əsosə fərğış heste.

əvvəl ımki islam dınyo qıləy yolə baxşədə və yolə əndozədə və dırozə vaxtonədə dəhşətin və xışmqinə hərəkətonədə dim bə dim bə və ۲ minnə məsələ ıme ki de təəssufi ım xışmqinə hərəkəton həmmişə bəzi yolə ğıvvon tərəfiku mıxtəlif roonədə və ciddiyə holətədə mudafiyə bə.

Imruj kamə kəsoni hestin ki əlğaidə talibon və çəvon notəmizə roədə hərəkət əkon bino karde  zumand karde və bəvon silah rosneədə Amerkə roliku xəbəş nıbo.çəvonjıqo koməkon kənoədə təkfiriyə terroriston oşkoə tərəfdaron bə domo mandə siyasiyə hukuməton kənoədə həmmişə ğərbı şərikon cərqədə ğərorışon qətə.və ım qıləy holədəy ki məntəğədə bə milləti nəzəri əsos ruşinə fikron be rəhmə holətədə təziği jiyədə ğəror qətedən.

Islam dınyoədə de oğoə hərəkəton ğərbı ۲ dimə siyasət ğərbion siyasəti ziddiyətədə qıləy oşkoə nımonəy.

Çəvon 2 diməti coqlə dim sionist rejimi devlətiyə terarizmiku  mudafiyə kardeədə muşahidə bedə.

Fələstini sitəm vində millət 60 sorisə veyə vaxte ki terarizmi bevəcə holəton təcrubə kardəy əqər Avropa millət ısət  çan ruj ıştə binaonədə pənohışon qətə və bə pur cəmiyətə mərkəzon şedə nin əmmo qıləy fələstinıjə ailə çandə sorone ki hətta ıştə kə dılədə sionist rejimi odəm əkışt və xərobə bıkə maşinonku əmonədə nin.

Imrujə çı curə xışmqinəti bəznemon sioniston tərəfiku işğal bə ərazionədə sionist ənıştə şəhron soxteədə muğayisə karde   ım rejim qıləy şərayetəndə ki heç vaxti ciddiyə holətədə ıştə pur nufuzə şərikon tərəfiku və ya zahirədə mıstəğillə beynəlxalğə orqanon tərəfiku mızəmmət bə ni ha ruj fələstinıjon kə xərobə və çəvon boğon və di təsərrufati zəminon arəku bardən qıləy şərayetədə ki hətta jimoni vəsiləon ya di təsərrufati məhsulun cəm kardeyu bəvon fursət dodə nin və ımon omomən jenon və hırdənon dəhşət vində çəşon vədə təşkil bedə ki   pure de arsi əvon bəştə ailə je kuye və bəzi vaxtonədə əvoni bə işkəncə dəhşətinə mərkəzon ovoştıniye şohid hestin.aya ımrujnə dınyoədə coqlə əzubi ım ənduzə və yoliyətiədə bı dıruzə zəmanonədə surəğın heste.

Xiyabani miyonədə qıləy jeni de qullə je ım qıno xoto ki desbə dandoni bın de silah zuman bə hərbiku tənğidış kardə əqər ım koon terarizm ni pəs çiçe.

Jıqo vəhşiyə hərəkət çun ki qıləy işğalqərə devləti hərbiyə ğıvvon tərəfiku əncum bedə bəpe radikalə hərəkət bə hisob nıvo

Ya bəlkə ım səhnəon fəğət buçimi xoto ki 60 sore mutəmadiyə holətədə TV kanalonədə muşahidə bə həni çəmə vicdani təziği jiyədə ğəror dodə ni.

Dəvardə soronədə bə islam dınyo de ləşqəri hucum karde ki ıştən veyə tələfatış hest bı ğərbı ۲ dimə məntiği coqlə nımunəonkoy.de hucumon dim bə dim bə məmləkəton insoniyə ziyanonku kəno ıştə ixtisadi və sənaye binovrəşon həm dastdə do və bə inkişafi tərəf çəvon hərəkət ya ğət be ya zəif  və bəzion həm çandə soron bə domo mandin.

Jıqonə şərayetədə qustaxə vəziyətədə bəvonku tələb bedə ki ıştəni sitəm vində kəsonku bə hison məvən.çokonə bəznemon qıləy məmləkəti viran karde və çəy şəhr və dion xokə karde peşo bəvon bıvotəmon ki lutfən ıştəni sitəm vində kəsonku bə hisob məvən.

Bə dəmərəsəti dəvət karde əvəzi və ya faciyəon yoddə bekarde vırədə aya sədağətinə holətədə uzr tələb karde çok ni.

əzubi ki bı soronədə islam dınyo hucum kardə kəson 2 dimətiku vindəşone maddiyə ziyanonku kam ni.

Ey əzizə cıvonon az omidım heste ki şımə ısət və omə rujonədə ım zehni ki 2 dimətiədə çırkin bə əvəz bıkən  zehniyət və fikri ki çəy hınə duyəruə hədəfon niyon karde və mıziyə ğərəzon dərustey.bə çıman nəzə ۱ minnə mərhələ əmniyyət və oroməti bino kardey ım xışmqinə fikon bə ğaidə noey.ta bə zəman ki ğərbı siyasətonədə ۲ dimə meyaron bıbon və ta vaxti ki terarizm çəvon zumandə tərəfdaron nəzədə bə çok və bevəc baxş bıbon və ta bə ruj ki devləton faydon insoni və əxlağiyə faydonku bəpe hison vardə bıbo bəpe xışmqinə hərəkəton rişə pəydo kardeyu cuvrədə nınəvəmon.

Təəssuf ki ım rişəon mutəmadiyə soronədə və qədə qədə ğərbi mədəniyə siyasəton nığılə vıronədə həm nufuzış kardə və qıləy nam və oromə hucumış bino kardə.

Dınyo xəyli məmləkəton bəştə bumi və milliyə mədəniyyəti fəxr kardən.

Mədəniyyətoni ki fəxrinə şərayet və bə inkişafi tərəf hərəkətonədə çan sa sor insoniyə ictimaiyət və çokə bovəonku bəhrəş bardə.islam dınyo həm çı məsələonku bə kəno ni əmmo ım əsrədə ğərbı dınyo zumandə vəsiləonku bəhrə bardeədə dınyo mədəniyyəti i curə kardey ciddiyə buvəş heste.az de zu bə coqlə milləton   ğərbı mədəniyyəti ovoştoniye və mıstəğillə mədəniyyəton qədə hısub varde qıləy orom ya sakitə xışmqinəti zındəm ki ve ziyanış heste.

Yolə mədəniyyəton təhğir karde və bə çəvon ehtıron sohibon be ehtıroməti karde qıləy şərayetədə təşkil bedə ki nakonə mədəniyyətonru nəzədə qətə bə mədəniyyət heç qıləy şərayetəndə çəy vırədə  ğəror qəteyu imkonış ni.məsələn xışmqinə rəftoron və əxlaği fəsotinə rəftoron ki de təəssufi ğərbi mədəniyyəti əsosə baxşonku  bəy çəy vırə hətta bino bə vırəndə həm ıştə erjış dastdə doə.ısət  sual bımədəy ki əqər əmə qıləy xışmqin fəsotin və məna ğəbul nıkə mədəniyyətımon nıpi aya qınokarimon.

əqər bə viran bıkə oyəyzi ki hınə məhsulon numo bə çəmə cıvonon tərəfi omedən mane təşkil bıkəmon təğsirkarimon.

Az mədəniyə əlağon əhəmmiyt və erji inkar kardə nim ım əlağon ha zəman təbiiyə şərayetədə və bə  mədəniyəti ğəbul bıkə ictimaiyəti ehtıromədə bıbo bə inkişaf fəxr və zumandəti bois bəbe və çəy vədə fərğ doə əlağon və ya de zu təşkil bə əlağon na muvəfəğ və bə ziyan bois bedən.

De təəssufi bəpe bıvotəmon ki bəjeə səviyədə bə qrupon bənə İŞİD jıqo daxil bə mədəniyyəton na muvəfəğə əlağon nəticəy.

əqər problem həğiğətən əğidəti əbəyn bəpe istimar əsriku bə nav həm islam dınyoədə jıqo məsələon muşahidə əbəyn qıləy holədə ki tarix ım məsələ təsdiğ kardə ni.

Tarixi oşkoə sənədon ve ruşin nışon dodən ki çokonə istimarı omojən be qıləy radikalə fikrədə əv həm qıləy biyaban ənıştə toyfədə  məntəğədə tınd və radikalə hərəkəton dunəş kaştə və əqər jıqo nəbəyn çəkonə mumkin əbi dınyo dinon miyonədə həmməy sə əxlaği və insoniyə diniku ki ıştə əsosə təlimatonədə qıləy insoni coni se bənə həmmə insonon kışte zındəy bənə İŞİD qıləy zibil bıno bıbo.

Cu tərəfədə bəpe sual bıbo buçi kəsoni ki avropaədə bə dınyo omən və həmonə vırədə fikri iyən ruhiyə inkişafışon kardə bə jıqo qrupon cəzb bedən.aya bəbe buvə karde ki  insonon 1 ya 2 qılə səfərədə bə canqiyə məntəğəon  bə ikkərə jıqo xışmqin bıbo ki ıştən həm vətənon de qullə bıkışto.

De ğətiyəti İ umr no səlomətə mədəniyyətiku bəhrə barde qıləy nutəmizə vırədə ki bə xışmqinə hərəkəton rust be bois bəy yoddə bekarde nibəbe.bəpe həminə məsələdə qıləy mukəmmələ təhğiğ təşkil bıbo təhlili ki ictimaiyəti oşko və na məlumə nutəmizətion pəydo bıkə.

Mumkine  nığılə nifrəti ki sənaye və ixtisadi bə inkişaf rəsə soronədə no bərobərətion və ehyanən ğanoni və saxtariyə fərğon ğərbiyə ictimaiyəti bəzi qrupon miyonədə bə kin bois bəy ki bəzi vaxtonədə bənə nuxəşəti jıqo oj bedə.

Hər holədə ım şımə hestin ki bəpe ıştə ictimaiyəti zahiriyə baxşon okən anqılon və kin iyən nifrəton pəydo kən və əvoni arəku bıbən fasiləon bəpe inkişaf doe əvəzi arəku peqətə bıbon yolə səhv de terroriston tınd təcili və bə ikkərə reaksiyaon hestin ki ısətnə fasiləon və problemon ve kardedən

Har qılə həyəcaniyə hərəkət ki Avropa və amerkədə sakin və mıslmonon ictimaiyət ki çandə milyon fəal və məsuliyət ğəbul bıkə insononku iburəte təziğ tars və iztirabədə və bə və bıkə və nakonə sə ve əvoni çəvon əsosə həxiku məhrum bıkə və ictimaiyəti meydoniku bə kəno bınən ne ım ki problemi həl nibəkan bəklə fasiləon nığıl və kin və kudorəti həm rust bəben.

Zahiriyə tədbiron ki təciliyə reaksiyaon nəticədəy məxsosən əqər ğanoniyə  şikil bıqəto ğərəz ım ki mucud bə fasiləon  ve bıkə və tojə problemon ru ro okə coqlə nəticəş ni.

Bə rəsə xəbon əsosi bəzi avropaiyə məmləkətonədə ğanonon bino bən ki bə  mıslmonon zid şəhrvandon bə cəsusəti karde məcbur kardedə ım rəftoron zılmin hestin və həmmə zındən ki çı bıpi və çı nıbi zılm oqardəninə xusiyətış heste vəmıslmonon jıqo bevəcə rəftoron ləyoğətdə nin.

Ğərbı dınyo çan əsre ki mıslmonon ve çok zındəy həm ə rujədə ki ğərbion islami əraziədə mehmon bin və bə kə soybi sərvət çəşışon dote və həm  coqlə rujədə ki kə soyb bin və mıslmonon ko və fikriku bəhrəşon barde ğəyrəz mehrbanəti və səbr nıvindışone.

Boçimi əsos az şımə cıvononku pidəme ki bə qıləy səhihə zıne əsosi və nığılə nəzəron və dəhşətinə təcrubəonku bəhrə bardeədə islam dınyoədə səhih və şərafətmandə əlağon bərğəror kardeyu binovrə təşkil bıkən.

Jıqonə şərayetəndə navədə nezə rujonədə bəvindemon ki jıqo binovrə piyədə soxtə bə bina  binokardə kəsonru bə yəğin və buvə sayə(soğnə) bəbaxşe və əmniyyət və oroməti hərarəti bəvon hədiyə bədoy.dınyo səhifədə bə ruşinə omə rujon ommid nuraniyəti bəbaxşəy.

Seyyed Əli Xamenei

۱۳۹۴ azərə manq 8